Selena Gomez e lumtur pavarësisht ndarjes nga The Weeknd

Këngëtarja 25 vjeçare, Selena Gomez është parë shumë e buzëqeshur në një video që ajo kishte publikuar në Instagram teksa shihet që po shijonte një shëtitje me biçikletë me miken e saj, ku lehtësisht mund të dëgjohej edhe kënga e saj më e re “Wolves”.

Po ashtu në video mund të shihet në një moment edhe kur këngëtarja e njohur kalon pranë një fushe basketbolli të një shkolle, ku shumë fansa të saj vrapojnë për ta përshëndetur dhe këngëtarja nuk heziton të bëjë edhe “selfie” me ta.

Ajo dukej e lumtur pavarsisht lajmit se ajo dhe The Weeknd i kanë dhënë fund lidhjes së tyre 10 muajshe. Lidhja e tyre nisi në muajin janar, kur të dy ishin parë duke u puthur, në një darkë romantike por pas disa daljeve të njëpasnjëshme, që shpesh herë u kapën nga paparacët, çifti e bëri publike lidhjen e tyre në Met Gala. Këngëtarja paraprakisht ishte e lidhur me yllin e muzikës pop, Justin Bieber, me të cilin ishte në lidhje me shkëputje nga viti 2011 deri në vitin 2015.