Shtëpia luksoze e Orinda Hutës dhe Turit…

Dasma e Orinda Hutës dhe Turjan Hyskës ishte ndër më të komentuarat dhe të bukurat e showbiz-it. Së fundmi Orinda përmes një interviste ka dhënë edhe detaje për ambientin e brendshëm të shtëpisë së saj.
Ajo ka treguar se ka një ambient shumë të madh ndenjeje me nje kënd super gjigand.

“Sepse gjithmonë kemi pasur të njëjtin problem në shtëpitë e prindërve apo edhe në shtëpitë e tjera ku kemi jetuar bashkë. Nuk qëndronim dot shtrirë nga i njëjti krah, sepse s’kishte hapësirë mjaftueshëm. Kështu që investuam në një divan të bollshëm dhe të rehatshëm për të mos goditur më njëri-tjetrin me shkelma.”, ka thënë Orinda.

Ajo ka treguar se këndi i saj i preferuar është kuzhina, aty ku gatuan pjatat e shijshme për bashkëshortin e saj. Moderatorja gjithashtu ka shtuar se :” Shtëpia juaj kushton 3- fish më shtrenjtë dhe kërkon më shumë kohë nëse merrni arkitekt. Më mirë se e bëni ju, nuk di e nuk e bën askush”.

Për pjesëtarët e rinj që do t’i bekojnë në të ardhmen ajo është shprehur se:“Besoj që planet e Perëndisë nuk i ndryshon dot njeri, kështu që të dy duam shumë të kemi një familje të madhe. Uroj që të bekohemi.”, ka përfunduar Orinda.