Sienna Miller tregon për skenat e seksit me Ben Affleck

Sienna Miller dhe Ben Affleck janë 2 aktorët kryesor të filmit që pritet të jepet në kinema së shpejti, ‘Live By Night’. Ata luajnë rolin e dy të dashuruarve, ku ndër të tjera Ben është edhe regjisor. Të dy dukeshin shumë në formë teksa kalonin në tapetin e kuq të shtruar në premierën e filmit në Los Angeles. Sienna shkëlqente edhe më shumë e veshur në një fustan të bardh me dizejno plot shkëlqim dhe me tualet të thjeshtë por me buzë të kuqe. Ajo tregoi për E! se sa kishte qeshur me skenat e shumta të seksit me Ben në këtë film.

‘Ben dhe unë fatmirësisht jemi si motër e vëlla kështu që nuk ishte shumë e sikletshme. Thjesht kishte shumë gigilosje idiote. Ai është shumë profesional, unë nuk jam, por ai është. Në skenar shkruhej që do të kishte skena seksi kudo: në makinë, në banak…praktikisht një ditë e tërë me skena seksi.’- ka thënë 35 vjeçarja.