Simon Cowell përfundon në spital pas aksidentit

Themeluesi i spektakleve të njohura “Got Talent” dhe “X Factor U.K”, Simon Cowell është dërguar në spital pas një aksidenti në shtëpinë e tij në Londër. Sipas “The Sun”, gjithçka ndodhi në mëngjes kur ai ishte duke zbritur shkallët e tij për të marrë një qumësht të nxehtë ku si pasojë e një pakujdesie ai u rrëzua tek shkallët.

Ende nuk ka një konfirmim për natyrën e aksidentit të personalitetit televiziv apo shkallën e dëmtimit të tij. Simon jeton në Londër me partneren Lauren Silverman dhe djalin Eric, 3 vjeç. Është e paqartë nëse ata ishin me të në kohën e aksidentit të tij. Incidenti u zhvillua një ditë para se të fillonte sezoni i parë i “X Factor U.K”, edicioni i 14-të.