Stresi, i ftuari i radhës në dasmën e Getoarit

Ftesat e bukura të Marina Vjollcës dhe Getoar Selimit kanë nisur të mbërrijnë në duart e të ftuarve dhe postimet e tyre na zbulojnë një pjesë të të pranishmëve në dasmë.Edhe një rreper shumë i njohur ka zbuluar që është i ftuar, edhe pse ai nuk bën pjesë në “label”-in e Getit, Babastars.

Megjithatë duhet thënë që Stresi, ka qenë afër këtij grupimi artistësh dhe madje edhe ka bashkëpunuar me Skivin e Babastars në vitin 2012. Që nga ajo kohë, dy artistët ka pasur edhe raste që janë përplasur në debate online, megjithatë duhet thënë që vazhdimisht, edhe pse Stresi ka zgjedhur të mos përfshihet në asnjë nga grupet e reperëve, ka pasur miqësi me anëtarët e Babastars.

Dhe ja ku vërtetohet me ftesën e dasmës. Stresi e ka postuar në llogarinë e tij duke uruar çiftin dhe konfirmuar pjesëmarrjen…tani duhet të mendojë thjesht për dhuratën.