Tayna tregon anën tjetër të medaljes të të paturit sukses

Ndonëse ka vetëm pak muaj që është shfaqur në tregun muzikor me dy këngë, Tayna është kthyer menjëherë në një nga reperet më të njohura e më të komentuara në media e rrjete sociale. “Columbiana” dhe “Shqipe” janë këngët që e bënë shumë të famshme atë e që po dëgjohen kudo duke u kthyer në hit.
Mirëpo për të arritur këtu ku është sot Tayna ka sakrifikuar shumë dhe i ka renditur disa prej këtyre sakrificave në një postim në Instastory. “Çmimi i ambicies: Netë të vona, mëngjesi herët, shumë bashkëpunëtorë, shumë pak miq, do keq kuptohesh, do jesh beqare derisa të kesh fat të gjesh dikë që do e kuptojë mënyrën tënde të jetesës, njerëzit do duan të bësh mirë por jo të jesh më mirë se ata dhe për këto arsye shumë gjëra do i bësh vetëm”, shkruhet në postimin e reperes e cila kështu ka treguar kostot e suksesit.