Vajza e Aurela Gaçes ngjitet në skenë për një kauzë që do iu emocionojë
Aurela Gaçe është jo vetëm zëri brilant i skenës shqiptare por edhe një artiste me zemër të madhe. Ajo vazhdimisht iu është bashkuar pa kushte, nismave me karakter social, bamirës, për t’u kthyer sadopak buzëqeshjen njerëzve, dhe aty ku ka vend për ndihmë, të jap më shumë nga vetja.
Ashtu siç i vijnë natyrshëm, Aurela flet edhe për kauza të mëdha. Një prej tyre ishte edhe koncerti që u organizua në datë 11 Prill, në sheshin Skënderbej, “Një këngë për jetën”, ku të ardhurat e mbledhura nga shitja e biletave do të shkojnë në ndihmë të fëmijëve të sëmurë me kancer.
Por, gjatë performancës, ka qenë vajza e madhe e këngëtares e cila i ka kërkuar që të ngjitet në skenë. Kjo gjë e ka emocionuar pa fund Aurelën, e cila ka postuar një foto me të në instagram, bashkë me disa fjalë që me siguri do ju prekin zemrën sepse është tepër kuptimplotë dhe i ndjerë.
“Mbrëmë vajza më kërkoi të ishte në skenë. E mori vesh pse do të këndonim në shesh. Mbase nuk e kupton saktësisht çfarë ndodh, por jam mësuar që i flas si të jetë e madhe. E mësoj që të japë nga vetja, le të jetë ky hap i vogël që nesër të japë më shumë nëse dikush ka nevojë. Ajo pa lotët e mi duke parë videot e fëmijëve të sëmurë dhe pyetjet nuk pushonin. Po pse janë sëmurë? Por çfarë duhet që ata të shërohen? Po pse ata prindër kërkojnë ndihmë? Faleminderit “Një këngë për jetën” që na bëtë pjesë të kësaj nisme që shpresoj të bëhet sadopak ndihmë për ata fëmijë. Si prind e njeri, uroj e lutem për shërim të plotë të fëmijëve, u kthefshin në familjet e tyre, të fortë, të bukur, që të jetojnë jetën mes familjes që i do më shumë se gjithçka në botë”, ka shkruar Aurela në rrjetin social Instagram.
Share Post
