Zbulohet bashkëpunimi mes Dua Lipa dhe Ariana Grande

Në muajin janar ato publikuan një foto së bashku dhe menjëherë nisën aludimet se do të realizojnë një projekt të ri muzikor.

Mesa duket këto spekulime qëlluan në shenjë pasi Dua Lipa dhe Ariana Grande janë duke punuar për një këngë të re. Në aplikacionin muzikor “Audio Mack” u publikua nga një përdorues anonim një moment i shkurtër i një kënge të quajtur “Bad to You” ku fare qartë dëgjohet zëri i Duas dhe Arianas.

Sapo publiku nisë të flasë për këtë bashkëpunim të artisteve, kënga është bllokuar menjëherë nga aplikacioni në mënyrë që të mos zbulohej asnjë detaj tjetër.

Sipas “Clever News” ky projekt do të ndodhë vërtetë pasi artistet janë njëkohësisht duke punuar me albumet e tyre të reja dhe ajo çfarë po pritet është konfirmimi nga vetë këngëtaret.